Aranzadi Eraztuntze Bulegoak “Aranzadi Ornitologia Mintegiak 2013” programaren baitan antolatutako mintegietan, Urdaibain Arrano arrantzalea berreskuratzeko planari buruzko hitzaldi bat emango da ostegun honetan abenduaren 12an Atariako instalazioetan Vitoria-Gasteizen. Hitzaldia Aitor Galarza Doktoreak emango du eta aurtengo urtean Urdaibai Bird Center-en eskutik aurrera eraman den proiektuaren hastapenei buruz arituko da.
URDAIBAIN ARRANO ARRANTZALEA BERRESKURATZEKO PLANA
Arrano arrantzalea Urdaibain ikusi daitekeen hegaztirik ikusgarrienetako bat da. Espezie ikur hartu izanak tresna ezin hobea bihurtzen du arrano arrantzalea naturaren kontserbazio, ingurumen hezkuntza eta ekoturismorako. Aranzadi Zientzia Elkarteak harrapari honen Urdaibain ugaltze-gune bat sortzeko asmodun plana abiarazi du, Bizkaiko Foru Aldundiko Ingurumen eta Nekazaritzako sailekin elkarlanean. Arrano arrantzalearen Europako populazioei buruz arituko da mintegia, bereziki beste herrialde batzuetako birsartze planez, eta Urdaibai Biosfera Erreserban aurton abiarazi den berreskurapen planaz.
HIZLARIA: Aitor Galarza, Aranzadi Zientzia Elkartea.
TOKIA: Ataria; Vitoria-Gasteiz.
DATA: abenduaren 12a, osteguna.
ORDUTEGIA: 19:00tatik 20:30etara.
NORENTZAT: jende guztiarentzat.
PLAZA-KOPURUA: lekuak bete arte.
Interesgarri suertatuko zaizuelakoan, agur bero bat. |