|
|
Urdaibai Bird Centeretik 2023ko uda honetan egingo den boluntariotza-kanpaina baten berri ematen dizuegu, ekainaren 1etik irailaren 15era bitartean.
|
 |
Gero eta gazte gehiagok egiten dute bat ingurumen-boluntariotzako programekin. Mota honetako boluntariotzak ingurumena hobeto ezagutzea, naturarekin lotutako alderdietan trebatzea eta naturaren kontserbazioan laguntzea baimentzen dute.
Urdaibai Bird Centerren (Aranzadi Zientzia Elkartea) 10 urte baino gehiago daramatzagu ingurumen-boluntariotza mota horretako ekintzak eta kanpainak egiten, eta asko dira horietan parte hartu eta gure artean prestakuntza jaso duten pertsonak.
Urdaibai Bird Centerretik 2020ko uda honetan, uztailaren 1etik irailaren 15era bitartean egingo den boluntariotza-kanpaina baten berri ematen dizuegu.
Boluntariotza-programa honen helburua pertsonak prestatzea da, ingurumenarekin eta natura-turismoarekin lotutako arloetan esperientzia har dezaten eta, horrela, ingurumen-hezkuntzaren, ekoturismoaren eta ikerketaren arloan gaitasunak gara ditzaten.
 
Boluntarioek funtsezko eginkizun hauek izango dituzte:
- Ingurumen-hezkuntza eta Urdaibaiko natura-baliabideen dibulgazioa.
- Bisitariei informazioa eta arreta emateko jarduerak
- Padurako hegaztiak behatzeko eta interpretatzeko jarduerak.
- Hegaztien jarraipen- eta monitorizazio-proiektuetan parte hartzea, eraztunketa kanpaina, hegazti espezie desberdinen jarraipena...
- Habitataren kudeaketarekin lotutako proiektuetan parte hartzea.
Boluntariotza hori hautatzeko, honako hauek baloratuko dira:
- Zergatik parte hartu nahi den.
- Esperientzia eta ezagutzak ornitologian, ekologian eta ingurune naturalean
- Jendearen arretan esperientzia
- Hizkuntzen ezagutza (euskara, ingelesa, frantsesa)
- Urdaibaiko Biosfera erreserbako natura-balioei buruzko ezagutzak izatea.
 
Kanpainan parte hartzen duten pertsonek Urdaibai Bird Centerren instalazioetan ostatu hartzeko aukera izango dute. Mantenua eta joan-etorriak boluntarioaren kontura izango dira.
Gainera, proposatzen dizuegun boluntariotzak Urdaibaiko Biosfera Erreserba gertutik ezagutzeko aukera ematen du, bertako ohituretan, kulturan eta aisialdian murgiltzeko, eta hori guztia antzeko interesak eta gustuak dituzten jendez inguratuta.
Beraz, zentroaren inguruan edertasun eta berezitasun handiko lekuak bisita daitezke: Santimamiñekoa bezalako labar-pinturak dituzten kobazuloak, Ogoñokoa bezalako itsaslabarrak, Laida eta Lagako hondartzak, artadi kantauriarra, landazabal atlantikoko paisaiak eta, bestalde, garrantzi historiko eta kultural handiko herriak, hala nola Gernika eta Bermeo.
Interesdunek erantsitako inprimakia bete beharko dute
Izena emateko epea 2023ko ekainaren 14an amaituko da, eta hautatuei ekainaren 16an jakinaraziko zaie.
Txandak (txandako lau pertsona onartuko dira)
Uztailak 1 – uztailak 31
Uztailak 1 – uztailak 15
Uztailak 15 - Uztailak 31
Abuztuak 1 – abuztuak 31
Uztailak 31 - Abuztuak 15
Abuztuak 15 - Abuztuak 31
Abuztuak 31 - Irailak 15
Hautatuak aukeratzeko orduan hilabeteko egonaldia aukeratzen dutenei emango zaie lehentasuna.
Boluntariotza amaitutakoan, parte-hartzaileek boluntariotza-aldian egindako lanen gaitasun-ziurtagiria jasoko dute.
Anima zaitezte gu ezagutzera eta gurekin ikastera! |
