|
Atzo egun seinalatu hau ospatzeko Urdaibai Bird Centerretik antolatu genituen aktibitateetara jende ugari urreratu zen. Parte hartzaileek, hezeguneei buruzko eta konkretuki Gautegiz Arteagako padurari buruzko informazioa jasotzeko aukera paregabea izan zuten.
Atzo izandako marea itzelak erakusten dituen Gautegiz Arteagako paduraren panoramika.
Aktibitate guztiak sistema interesgarri horien baloreak ezagutzeko helburuarekin burutu ziren, batez ere horien kontserbazioak daukan garrantzia azpimarratuz, bai gizakiarentzako eta baita ere ekosistema horien beharra daukaten izaki bizidun guztientzako duten interesa nabarmenduz.
Familia bat bisitaldi autogidatua egiten.
Gautegiz Arteagako paduretatik zehar burutu zen bisitaldi gidatua.
Zentro barruko bisitaldiak
Hezeguneen kontserbazioaren menpe dauden animalia talde guztien artean, aipatu beharrekoak dira hegazti urtarrak, eta atzoko egunean aukera paregabea izan genuen horiek behatzeko eta hobeto ezagutzeko.
Ubarroiak, lertxunak, mokozabalak, zertzetak, ahate txistulariak, istingorrak eta kopetazuriak gure begien aurrean agertu ziren bitartean, zentroko teknikariek beraien fenologia, ekologia eta identifikatzeko gakoak azaldu zituzten.
Beraz atzokoa hezegune horietan bizi diren hegaztiez disfrutatzeko egun ezin hobea izan zen.
Goizean goiz hezegunean ikusi genituen 18 mokozabalak. Beraietako bik Holandan jarritako eraztuna zeramaten.
Kuliska zuria.
Ahate mokozabal bikotea
Atzo ikusitako bitxikeriatako bat, lertxuntxo handia.
Ubarroiak zentro aurreko urmaelean liskarretan.
Behatoki aurretik hegaldiak egiten ibili zen zingira mirotza.
Zapelatza
Ubarroia, kopetazuria eta lertxuntxo txikia.
Lertxun hauskara eta zertzeta eme hirukotea.
|
