|
Udaberria da eta, nonahi, txoriak bikoteak bilatzen ari dira eta hasi da habiak eraikitzeko ordua. Garai honetan laguntzeko, habia-kutxak jar ditzakegu. Amilotxa bezalako espezieek zailtasunak izaten dituzte habientzako leku naturalak aurkitzeko, eraikin modernoen diseinuagatik eta habitataren galera dela eta, habia-kutxek ugaltzeko espazio segurua ematen diete.
APNABIko gure lagunek ekarpen zoragarria egin diote ekimen honi. Beti proiektu sortzaileetan murgilduta daude eta, beren arotzeria klasean, habia kutxa bikain hau eraiki dute. Zentroaren aurrean jarri dugu, eta ziur gaude txoriak oso gustura egongo direla barruan. Datozen asteetan jarraipena egingo dugu, hegaztiek erabiltzen duten ikusteko. Eskerrik asko APNABIko talde osoari zuen lan bikainagatik!
Urte sasoi honetan ere, urtero legez, aurrera jarraitzen dugu había-kutxa proiektuaren baitan dauzkagun 55 habia-kutxen jarraipenarekin.
Kutxa horiek hainbat espeziek erabiltzen dituzte, batez ere amilotxak eta kaskabeltzak, eta astean behin, había kutxak begiratu, eta bertan ematen denaren jarraipena egiten dugu. Bereziki, besteak beste, ugalketa-arrakastan fenomeno meteorologikoek nola eragiten duten da interesatzen zaiguna.
Lan horren ardura Denzel, Udane, Aitzol eta Danel ikasleena da. Gazte hauek gurekin praktikak egiten ari diren LHko ikasleak dira.
Zergatik ez duzu gurekin bat egiten biodibertsitatea sustatzeko? Jartzeko eta mantentzeko errazak dira había kutxak, eta natura gure ingurura erakartzeko ere ezinbesteko ekimenak.
|
