Astelehena, 2012(e)ko ekaina(r)en 11-(e)an 13:04etan |
Urdaibain egindako eraztunketa egun batetan, Helgoland-en (Alemania) eraztundutako lezkari arrunt bat (Acrocephalus scirpaceus) jarraitu da. Gure ustez, Eskandinaviako ugaltze guneetarantz doan migratzaile berantiar bat da, espezie honetako hegaztiak ipar Europako ugaltze lekuetara ekainaren erdialde arte oraindik ailegatzen egon baitaitezke.
Helgoland irla, Ipar itsasoan dago kokatuta, Alemaniako kostaldetik 80 kmtara eta 4Km2 baino azalera txikiagoa dauka. Irlako itsaslabarretan, hainbat itsas hegaztiren koloniak aurki daitezke, eta horrekin batera, hareatza eta duna inguruetan hainbat limikola eta ahate espezie ugaltzen da. Helgoland –eko hondartza zabaletan itsas-txakur gris eta arruntaren populazioak ere nabarmenak dira. Guzti honekin batera, aipatu beharra dago irla horretan eraztunketa estazio bat mantentzen dela joan den 100 urtetik gaur egun arte, eta egindako ekarpenak oso garrantzitsuak izan direla Europa osoko ehundaka espezieren migrazio mugimenduak ezagutzeko orduan.
Helgoland uhartediaren kokapena Ipar-itsasoan.
Helgoland uhartedia (Alemania) |