|
Astelehena, 2013(e)ko martxoa(r)en 04-(e)an 07:48etan |
|
Berriki, Munibe aldizkarian argitaratua izan da Urdaibai Bird Center-ek “Primera cita de reproducción de cigüeñuela común Himantopus himantopus L., 1758 en Urdaibai (Bizkaia)” tituluarekin egindako artikulua.
Artikulu honetan, zankaluzearen kantauriar isurialdeko kolonizazioa berriki eman den fenomeno bat dela azaltzen da, hain zuzen ere lehenengoz Cantabrian eta Asturiasen eman baitzen 2009. urtean. Horrekin batera, Euskal Herriko kostalderako dagoen umaldiaren lehenengo zita egiaztatzen da, konkretuki Urdaibaiko Biosfera Erreserban. Modu berean, habia egin zen Gautegiz Arteagako padura-eremuaren deskribapen zehatza egiten da eta zehaztasunez jarraitzen da umaldia: habiaren eraikitze data, errunaldiaren nondik norakoak, eta txiten eboluzioa zehaztuz.
Amaitzeko, kolonizazio honen arrazoi posibleak lantzen dira, esaterako, Iberiar Penintsula mailan zankaluzearen populazioaren igoeraren ondorio izan daitekeenaren ustea, edota baita ere, padura inguruetan azken aldian egin diren hobekuntza lanek ere zabalkuntza hori lagundu ahal izan dutenaren ideia. |
