Aukera ezin hobea Bizkaiko Belatz handiaren ezagueran sakontzeko. Aranzadiko Ornitologiako mintegiak
| Ostirala, 2013(e)ko otsaila(r)en 08-(e)an 12:33etan |
|
Datorren asteazkenean otsailaren 13an, arratsaldeko 7retan “Belatz handia Bizkaian” izenburuarekin, hitzaldi interesgarria emango da Urdaibai Bird Center-ean, hegazti harrapari horietan jakituna den Iñigo Zuberogoitia doktorearen eskutik.
Berak zuzentzen duen lan-taldeak urteak daramatza Bizkaiko belatz handien populazio habiagilearen hainbat aspektu ikertzen. Mintegi honetan, urte guzti horietan eskuratutako ezagutza aurkeztuko da, batez ere, hegazti interesgarri horren populazioaren dinamika eta egituran (biziraupena eta ugalketa arrakasta barne) sakonduz eta dieta, mugimendu ereduak, kontserbaziorako mehatxuen identifikazioa … ere landuz beste gai batzuen artean.
|
