|
Aurreko urteetan bezala, Urdaibai Bird Centerretik migrazio sasoian Gautegiz Arteagako lezkadietan sortzen den elaien etzalekuaren jarraipena egiten ari da.
Eztei aurreko migrazioan zehar, jarraipen kanpaina martxoaren erditik maiatzaren amaierara egin zen. Afrikatik zetozen lehen aleak martxoaren erdialdera hasi ziren ikusten. Baieztatu daiteke apirilean zehar elai batzuk baserrietako habia lekuak hasi zirela okupatzen, baina iluntzero zetozen talde gehienak, lezkadian babestu ondoren gaua pasatzeko, euren bidaia jarraitzen zuten iparralderantz.
Elaiak eta uhalde-enarak lezkadian atseden hartzen
Udaberri osoan izan genuen eguraldi txarraren ondorioz elai askok lehenengo errunaldia galdu zuten eta ziurtatu daiteke populazioa asko gutxitu zela Urdaibain aurreko urteekin alderatuz.
Eztei ondorengo migrazioan zehar, kanpaina abuztuaren hasieran hasi genuen, izan ere inguruan jaiotako gazteen taldeak paduran batzen hasten dira Afrikarako bidaia luzea hasteko. Abuztuaren erdi eta amaiera aldean iparraldetik datozen gazteen taldeak hasten dira batzen, etzalekuetan batu daitezkeelarik, ehunetik milaka aleetara.
Lezkadiaren itxura elaiak etzaleku moduan erabiltzen ari diren bitartean
arraipena egiten ari garen hilabetean, aurreko urteekin alderatuz ziurtatu dezakegu etzalekua erabili duten elaien kopurua nabarmen murriztu dela. Alde batetik, oso urte txarra izan delako ugalketarako edo beste arrazoiren batengatik migrazioa atzeratu delako edo oraindik heltzeko daudelako. Hala ere, azkenengo egunetan ikusi ahal izan dugu lezkadia erabiltzen duten elaien kopuruak pixka bat egin duela gora, baina hala ere ez da inondik inora garai honetarako lezkadian espero zen populazioa.
Elaiak eta uhalde-enarak atseden hartzen egunean zehar migratzen duten bitartean.
|
