Berriak

Urdaibain ikusteko hain zaila eta arraroa den Itsas-enara hegalzuri batek (Chlidonias leucopterus), ikuskizun polita eskaini zigun Gautegiz Arteagako paduran bere hegaldatzeko modu bitxiarekin hezeguneko ornogabe hegalari txikiak harrapatuz zebilela.

Itsas-enara espezie hau, urmael, padura eta hainbat motatako hezegunetan ugaltzen da; eta batez ere, Europako hego ekialdean eta Asia erdialdean dauka bere banaketa-eremua.

Negu-pasa Afrikan burutzen du, eta nahiz eta migrazio-garaian hainbat behaketa puntual egon Iberiar penintsulan, berezko migrazio-bidea gugandik ekialderantz dauden lurraldeetatik ematen da; beraz, poztekoa da Urdaibaiko Biosfera Erreserban hegazti ikusgarri honen behaketaren ikusle izatea.

.

Itsas-enara hegalzuria Kaio hanka-horiaren eta kopeta-zuriaren artean hegaz.