Berriak

Aste hasieran Rafa Garaitak behe paduran lehenengo arrano arrantzalearen (Pandion haliaetus) behaketa egin zuen eta egun gutxiren buruan Gautegiz Arteagako barru aldeko paduretan ikusteko aukera izan dugu.

Urtero legez, Urdaibaiko biosfera erreserbako espezie migratzailerik ikusgarrienetarikoa bueltatu da. Eskandinavia, Alemania eta Britainiar irletatik datorkigun hegazti honek, atseden hartzeko eta elikatzeko aukera ematen dioten padurako leku konkretuak aukeratzen ditu, Afrikarantz egingo duen bidaian geldiunea burutuz. Hori dela eta, Gautegiz Arteagako padurak aukera paregabea eskaintzen du hegazti hau arrantzan ikusteko.

Gainera, Urdaibain gelditzea erabakitzen duen ale bakoitzak leku oso espezifikoak aukeratzen dituzte arrantzatzeko; beraz, nahiz eta eskualdean hegazti bat baino gehiago egon, oso zaila izaten da argazkian ikusten den modura, ale bi elkarrengandik hain gertu ikustea