Ziklogenesia Urdaibaitik igarotzen
| Ostirala, 2012(e)ko apirila(r)en 27-(e)an 08:15etan |
|
Apirilaren 24a eta 25a bitartean Petraren eraginak jasan genituen, oso azkar eta bortizki sortu eta garatu zen zikloi sakonarenak alegia. Mota horretako fenomenoak izendatzeko, gero eta ezagunagoa bihurtzen ari den “Ziklogenesi leherkor” terminoa erabiltzen dugu.
Gure lurraldean izandako eragina ez da izan hain kaltegarria; batez ere, aurreko urteetan Kantauriar kostaldea jo zuten beste batzuen bortizkeriarekin alderatuta. Kasu honetan, sortzea, garapen azkarra eta osteko desplazamendua aurrekoetan baino latitude altuagotan eman zen; hala eta guztiz ere, haizeteek 120 km/or abiadura gainditu zuten, eta zeruaren itxura momentu batzuetan oso mehatxagarria suertatu zen. |
