Lagun gaitzazu Urdaibaitik landare inbaditzaileak erauzten
Astelehena, 2022(e)ko urria(r)en 24-(e)an 14:53etan |
SEO/BirdLifek, Urdaibai Bird Center eta Correosekin batera, boluntariotza-jardunaldi batzuk antolatu ditu, balio natural handieneko espazioetan espezie exotiko inbaditzaileak desagerrarazteko zereginetan laguntzeko. Urdaibaiko Biosfera Erreserbako paduretan azaroaren 5, 12, 19 eta 26an egingo diren jardunaldi horietan, boluntarioek lehen eskutik ezagutu ahal izango dute espezie inbaditzaile horiei lotutako arazoa, eta, aldi berean, espezie horiek desagerrarazteko borrokan lagundu ahal izango dute. Programatutako jarduerak Baccharis halimifolia landare exotiko inbaditzaile aleak kentzeko helburua izango du. Landare horrek lehiaketa bidez bertako flora-espezieen hazkuntza galerazten du, padurako habitata gustiz aldatuz. Egunean zehar, natura-ingurunea eta hegazti-fauna ezagutzeko jarduerak ere egingo dira, ibilbide gidatu txiki baten eta Urdaibai Bird Centerrera egindako bisitaren bidez. Informazio praktikoa: Informazio gehiago eta izena emateko: Helbide elektroniko honek spam bot-en kontrako babesa du. Ikusteko Javascript-a aktibatu behar duzu Boluntariotza-jardunaldien datak: Azaroaren 5, 12, 19, 26. 9: 00etatik 15: 00etara Egin beharreko jarduerak: Baccharis halimifolia landare inbaditzailea kentzea, eskuzko baliabideekin. Eman ezazu izena! |