Radio Euskadik Montorre eta Urretxindorrako umeei elkarrizketa egin die Urdaibai Bird Centerren

Radio Euskadiko unitate mugikorra Urdaibai Bird Centerrera hurbildu da gaur goizean Gautegiz-Arteagako Montorre ikastetxeko eta Muxikako Urretxindorra ikastetxeko umeei elkarrizketa bat egitera. 

Bisita honen arrazoia arratsaldean egingo den bideokonferentzia izan da. Bertan, umeek munduan zeharreko beste ikasle batzuekin hitz egiteko aukera izango dute, "Osprey flyway linking comunities" proiektuaren barnean.

Boulevard irratsaiorako egindako elkarrizketan, ikasleek gaur arratsaldean Estatu Batuetako, Gambiako, Ingalaterrako eta Italiako lagunei kontatuko dietena aurreratu digute. Arrano arrantzalearen migrazio bidea da eskola hauek lotzen dituena.