Uda ezberdina Urdaibain! 2024ko udako Urdaibai Bird Centerreko ingurumen eta natur turismoko boluntarioen programa.

Urdaibai Bird Centerretik 2024ko uda honetan egingo den urteko boluntariotza-kanpainaren berri ematen dizuegu. Boluntariotza ekainaren 1ean hasi eta irailaren 15ean amaituko da.

Boluntariotza-programa honen helburua pertsonak prestatzea da, ingurumenarekin eta natura-turismoarekin lotutako arloetan esperientzia har dezaten eta, horrela, ingurumen-hezkuntzaren, ekoturismoaren eta ikerketaren esparruan gaitasunak gara ditzaten.

Boluntariotzak funtsezko zeregin hauek izango ditu:

- Urdaibaiko natura-baliabideen ingurumen-hezkuntza eta dibulgazioa.
- Bisitariei informazioa eta arreta emateko jarduerak
- Padurako hegaztiak behatzeko eta interpretatzeko jarduerak.
- Hegaztien jarraipen- eta monitorizazio-proiektuetan parte hartzea, eraztunketa zientifikoa, hegaztien zentsoak egitea...
- Habitataren kudeaketarekin lotutako proiektuetan parte hartzea.

Boluntarioak aukeratzeko orduan, honako hauek baloratuko dira:

- Boluntariotzan parte hartzeko arrazoiak
- Ornitologian, ekologian eta ingurune naturalean esperientzia eta ezagutza izatea.
- Esperientzia jendearen arretan
- Hizkuntzen ezagutza (euskara, ingelesa, frantsesa...)

Kanpainan parte hartzen dutenek Urdaibai Bird Centerreko instalazioetan ostatu hartzeko aukera izango dute. Mantenua eta joan-etorriak boluntarioaren kontura izango dira.

Zentroaren inguruan, Urdaibaiko Biosfera Erreserban bertan, aparteko edertasuna eta berezitasuna duten lekuak bisita daitezke: Santimamiñeko kobazuloak, Ogoñoko itsaslabarrak, Laidako eta Lagako hondartzak, artadi kantauriarra, landazabal atlantikoko paisaiak, Gernika eta Bermeo...

Interesdunek erantsitako inprimakia bete beharko dute

Formulario/Eskaera- Inprimakia/Application form

Izena emateko epea ekainaren 15ean amaituko da eta ekainaren 16 jakinaraziko zaie hautatuei.

Ekaineko lehenengo 2 txandak aukeratzen dituztenei, maiatzaren 20an jakinaraziko zaie aukeratuak izan diren edo ez.

Ekainaren 1etik 30era
Ekainaren 1etik 15era
Ekainaren 15etik 30era
Ekainaren 30etik Uztailaren 31ra
Ekainaren 30etik Uztailaren 15era
Uztailaren 15etik - Uztailaren 31era
Uztailaren 31etik – Abuztuaren 31ra
Uztailaren 31tik - Abuztuaren 15era
Abuztuaren 15etik - Abuztuaren 31ra
Abuztuaren 31tik – Irailaren 15era

Hautagaiak hautatzerakoan, lehentasuna emango zaie hilabeteko txandak aukeratzen dituzten boluntarioei.

Boluntariotza amaitutakoan, boluntariotza-aldian egindako lanen gaitasun-ziurtagiria jasoko dute parte-hartzaileek.

Anima zaitezte elkar ezagutzera eta gurekin ikastera!