Lehen mokozabalak iritsi dira Urdaibaira
Ostirala, 2013(e)ko iraila(r)en 13-(e)an 09:51etan |
Aste honetan mokozabalen (Platalea leucorodia) lehen taldeak ikusi ahal izan dira eztei-osteko migrazioan, hala Urdaibaiko paduretan nola Gautegiz Arteagako hezegunean ere. Lehen bi aleak abuztuaren 14anKanalako marearteko eremuan ikusi baziren ere, Europan izandako eguraldi onaren ondorioz, mokozabalen talde handienak iraileko lehen astetik aurrera ikusi ahal izan dira.
Data honetatik aurrera eta batez ere eguraldiak txarrera egitean, herbeheretako Wadden itsasotik datozen talde handiagoak ikusi ahal izango ditugu beraien negupasako eremuetara bidean, Afrikako mendebaldeko kostara hain zuzen ere. Zehazki Maroko eta Ghana artean dagoen Banc d ´Arguin (Mauritania) eta Senegaleko delta dira espezie honen negupasarako eremu garrantzitsuenak kontinente afrikarrean.
Jakina denez, espezie konkretu hau udazkeneko pasean, 10 urte baino gehiagoz ikertu da Urdaibain eta era berean bioindikatzaile bezala ere erabilia izan da, Urdaibaiko paduren kontserbazio egoeraren kalitatea neurtzeko, zeina bereziki sentikorra den giza asalduren eta hezeguneetako aldaketen aurrean. Horrela ba, kontserbazioaren ikuspuntutik, bisitan etortzen zaizkigun espezien artean interesgarrienetakoa dugu berau.
|