DARWIN 2014 ko Irailak 21,- Azkena, baina bere anaiak bezain garrantzitsua
Darwin arrano arrantzalea bere "anaiekin" alderatuz Urdaibaiko hezegunea atzean uzten azkena izan da. Gauza onak heltzeko itxaron behar dela esaten da...
Irailaren 21eko goizean hasi zuen hegoalderako bidaia Darwinek. Lehen egunean ehun kilometrotik gorako saioa egin zuen, ez da marka txarra! Egun honetarte bere hegaldi luzeena izan da eta Euskal Herriko lurren gainetik egin du hegan Errioxara heldu arte. Zehazki, Sorzano herriaren kanpoaldeko labore gune baten pasatu zuen gaua. Errioxako paisaian zuhaitz handien presentziaren faltan, ordezteko, elektrizitateko zutoin baten pasatu zuen gaua. Sateliteko datu berrien esperoan geratzen gara Darwinen migrazio bidaiaren berri emateko.
|