“BIOWET Erasmus +” Urdaibai Bird Centerrek parte hartzen duen Nazioarteko proiektu berritzailea.
Asteazkena, 2019(e)ko martxoa(r)en 27-(e)an 10:11etan |
- URDAIBAI RESERVE - Aurreko astean zehar "BIOWET Erasmus +" proiektuko parte hartzaileek jardunaldiak izan dituzte Martin Mere erreserba naturalean (Ingalaterra). Jardunaldietan zehar Norbegiako (Dokka Delta), Portugalgo (Evoa), Martin Mere (Ingalaterra) eta Urdaibai Bird Centerreko Ikasle eta partaideak bildu dira, hezeguneetan hartuz klima aldaketaren zantzuak adierazten dituzten indikatzaileak jarraitzeko asmoarekin. Martin Mere-ko jardunaldietako partaideak Proiektu hau Europar Batasuneko Erasmus + programaren diru laguntzarekin eta Wetland Link International, mundu mailako hezeguneak biltzen dituen entitateak babestuta dago. Hezeguneak ingurumenean garrantzi handiko lekuak dira. Bioaniztasunaren eta ekoizpen ekologikoaren gune garrantzitsuak izatetik aparte, gizakiarentzako hainbat onura sortzen dituzte edateko eta ureztaketarako ura, aisialdirako lekuak, arrantza moduko ekoizpen ekonomiko garrantzitsua dira, eta nola ez, fauna eta landarediarentzako habitat ezin hobeak eratzen dituzte. Hezeguneko sitsen identifikazio lanetan BIOWET proiektuaren helburua, herrialde desberdinetako ikasleei hezeguneetako aniztasun biologikoari buruz ezagutzak eta esperientziak partekatzea da, eta klima aldaketak zein neurritan eragiten duen ekosistema hauskor horietan ezagutzea eta aztertzea. Hezegunean landa lanean Martin Meren egindako bilera hau lehenengoa izan da, aurrerantzean partaideak Urdaibain, Evoan Tajo ibaiaren itsasadarrean eta Norvegiako Dokka Deltan burutuko dituzte elkar trukaketak. Azken horietan Barrutialde Institutuko ikasleak ere parte hartuko dute Urdaibai Bird Centerrekin batera. |