Bizi osorako zaletasun bat

Joan den larunbatean Urdaibai Bird Centerrek emandako hegaztien behaketarako hastapen ikastaroa amaitu zen.

Ikastaroan bertan, hainbat izan ziren azaldu ziren gaiak; hasiera batetan, optikari buruzko eta behaketak egiteko tresneriaren maneiu egokiari buruz hitz egin zen. Horrekin batera, hegazti urtarren identifikazioari buruzko gai ere jorratu zen, eta baita ere nola behatu daitezkeen inongo eragozpen eta enbarazurik sortu gabe.

Lehenengo egunean hain beharrezkoak diren aspektu teorikoak landu ziren, batez ere hurrengo egunetarako ezagutza minimo bat egon zedin.

Bigarren asteburuan, zankaluzeen, ahateen eta antzeko hegaztien identifikazioan murgildu ginen. Hori dena Urdaibai Bird Centerreko instalazioetatik bertatik. Egun horretan, sorpresa polita izan genuen, arrano arrantzale bat ikusteko aukera izan genuen. Udazken amaierako sasoi honetan Urdaibain oso arraroa den hegaztiarekin gozatzeko aukera.

Azkeneko asteburuan, gaia limikoloetara bideratu zen, hau da, paduretako limo edo lokatz eremuetan elikatu eta bizi diren zankaluze txiki eta ertainen taldean. Behaketak urrunetik burutu ziren, baina hala eta guzti ere, ohikoenak diren limikoloak ikusteko aukera izan genuen Busturiko San Kristobal auzoko inguru paregabetik.

Eguna ezin hobeto amaitzeko hain berezia den branta muturbeltz bat ikusteko aukera izan genuen, paduran bertan janari bila zebilela.

Ez dugu amaitu nahi, parte hartu duten guztiei esker onak eman gabe; batez ere jarri duten interesa, ikasteko gogoa eta arretarengatik.
Hitz batez, gure partetik hiru egun zoragarri izan dira, eta uste dugu parte hartu duten guztientzat ere horrelakoak izan direla.

Behatutako hegaztietariko batzuk

txilinporta

Txirritxo handia

txirri arrunta

kopetazuria

Ahate txistularia

uroiloa

ipar ahatea

Lertxuntxo handia

Lertxun hauskara

Txirri grisa

Mokozabalak