Jende ugari Hegaztien Mundu Mailako egunean.
Astelehena, 2016(e)ko urria(r)en 03-(e)an 13:19etan |
Atzo Urdaibai Bird Centerrera ia 300 lagun hurbildu ziren Hegaztien Mundu Mailako eguna gurekin ospatzera. Goizean zehar, teknikoen laguntzakin, eraztunketa zientifikoa nola egiten den erakutsi zitzaien parte-hartzaileei. Horrez gain, zentrora hurbildu zirenek, hegazti espezie asko ikusteko aukera izan zuten. Eztei ostego migrazio garaian gaudenez hegazti espezie ugari behatu ahal izan ziren Oruetako hezegunean; gehienak, Afrikaranzko migrazioa bidean atseden hartzen edo elikatzen ikusi genituen. Txikienek ere egun horretaz gozatu ahal izan zuten eraztunketan zuzenean parte hartzen eta behatokietan aktiboki hegazti espezieak behatzen. Bestalde, egunean zehar lehiaketa bat egin zen nork lehenego behatu arrano arrantzalea Oruetan. Ordu batzuk pasata eta azken txanpan sartuta geudela hara non agertu zen arrano arrantzalea! Arrantzatzen ikusteko aukera paregabea izan genuen. Irudian, bi saridunak Antonio Sandovalek idatzitako Birdflyway liburua eta pasaportea eskuetan.
|