Landetako Erreserba Naturaletako ordezkariak Urdaibai Bird Centerrera hurbildu dira.
Asteartea, 2016(e)ko maiatza(r)en 31-(e)an 07:25etan |
- URDAIBAI RESERVE - Berriki Frantziako Landetako Erreserba Naturaletako hainbat ordezkariren bisita izan dugu Urdaibai Bird Centerren. Bisitaren arrazoia arrano arrantzalearen berreskurapen programa eta Urdaibai Bird Centerrek abian dituen proiektuak ezagutzeko izan da. Izan ere Courant d´Huchet-en, Landetako hezegune batetan, udaberrian zehar hainbat aldiz ikusi izan da dirudienez bikote bila, "Livingston" gure proiektuan 2013an askatutako arrano arrantzalea.
Bisitari taldean Fabienne Savary, Marais d´Orx Erreserba Naturaleko zuzendaria, Florent Lagarde, erreserba berdineko basozaina, Paul Lesclaux, Courant d'Huchet Erreserba Naturaleko teknikaria eta Stéphanie Darblade, L'Etang Noir Erreserbako arduraduna etorri dira. Bisitan zehar arrantzalearen programan erabiltzen ari garen metodoa ikusi dute, izan ere Frantzia Hego-mendebaldeko Landetako erreserba horiek oso egokiak baitira arrano arrantzalearen hedapenerako, behin Urdaibain populazio ugaltzaile bat ezartzen denean. |