“Televisión Española”-k Urdaibai Bird Center-en erreportai bat grabatu du

Aste Santuan zehar, "Radio Televisión Española"-ko (TVE) talde batek erreportai bat grabatu izan du Urdaibai Bird Center-en, "La aventura del saber" programan emateko.

"TV Educativa"-ren saioa den "La Aventura del Saber", 1992ko urriaren 13an orduko Hezkuntza eta Zientzia Ministerioaren eta erakunde publikoa den Radio Televisión Españolaren artean sinatu zen kolaborazio konbenioaren fruitu da. Saio hau 20 urtetan zehar etenik gabe igorri izan da, aldaketa txikiak produkzio taldearen osaketan eta programaren iraupenean bakarrik izan dituelarik.

"La Aventura del Saber" astelehenetik ostegunera 10:00etatik 11:00etara ematen da "Televisión Española"-ren La 2 kanalean. Saio honen programa denak TVE a la Carta-n aurki ditzakezue.