Hegazti urtarren behaketarako hastapen ikastaroa, 2012ko negua
Asteazkena, 2012(e)ko abendua(r)en 05-(e)an 00:00etan |
Abenduaren hiru asteburutan zehar Urdaibai Bird Center-en, hegazti urtarren behaketarako hastapen ikastaro bat emango da. Ikastaroa, 14 urtetik gorakoentzako eta hegaztiei buruzko ezagutza-maila baxua daukan jendearentzako egongo da zuzenduta. Helburuak Urdaibaiko paduran urtean zehar ikus daitezken hegazti urtarren ekologia, biologia eta fenologiari buruzko oinarrizko ezagutzak bereganatzea. Hegazti urtarrak antzemateko, ezagutzeko eta identifikatzeko oinarrizko arauak ezagutzea. Iraupena: 3 egun. Abenduaren 15, 22 eta 29a (Larunbatak) Ordutegiak: 2 ordu lehenengo egunean eta 2 eta erdi hurrengoetan. Hasiera ordua 10:00etan. Gehienezko taldea: 15 pertsona Gutxienezko taldea: 5 pertsona Izen ematea: 699 839 202 Prezioa 30 € Ikastaroaren egitaraua eta edukiak Larunbata 15, 10:00etan Hitzaldi teorikoa: Hegazti urtarrak eta euren habitatak, ekipoa, behakeatko leku eta momentuak. (Ordu eta erdiko iraupena) a.- Hegazti lurtarrak, itsastarrak eta urtarrak. b.- Hegazti urtarren talde nagusien deskribapena. (Lertxunak eta antzerakoak, ahateak, zangaluze txikiak, uroiloak…) d.- Ekipoa. (identifikazio-gidak, prismatikoak, teleskopioa) e.- Hegazti urtarrak Urdaibain behatzeko lekurik eta momenturik aproposenak. Hegazti urtarren behaketara lehen hurbilketa praktikoa, teleskopio eta prismatikoen erabilera zentroko behatokitik. (30 minututako iraupena) Larunbata 22, 10:00etan Hegazti urtarrei buruzko hainbat aspektu ezagutzeko bisita-zirkuitua zentroan bertan. (Ordu beteko iraupena) Migrazioaren fenomenoa, migrazio-bideak, faktore meteorologikoak eta migrazioak, paduran momentuan dauden hegaztiak. Hegazti urtarren behaketa, zentroko behatokitik. (Ordu eta erdiko iraupena) Hegazti urtarren aurkitzea eta identifikazioa prismatiko, teleskopio eta identifikazio-giden bitartez. Larunbata 29, 10:00etan Hegaztien behakeat padurako behatokietatik, euria egin ezkero, zentroko behatokitik burutu litzateke. (Bi ordu eta erdiko iraupena) Hegazti urtarren aurkitzea eta identifikazioa prismatiko, teleskopio eta identifikazio-giden bitartez.
|