IRADIER 2014ko irailak 9-10.- Hasi da bidaia.

Uztailaren 11an, Eskoziatik Urdaibaira etorri eta zortzi astera Iradierrek bere migrazio bidaia hasi du. Irailaren 9an eguerdiko 14:00etan hasi du Afrikako lurrak helburu izango dituen abentura. Iradierrek ordubeteko hegaldia egin du hegoalderantz, Durango eta Amorebieta arteko pinudi baten egin du geldialdia atseden hartzeko arratsaldeko 15:00etan eta bertan geratu da lotan. Momentu horretan zonaldean izandako ekaitz gogorra izan daiteke Iradierren geldialdi lasterraren arrazoia.

Iradier hegan.

Ekaitzaren ostean barealdia datorrela esaten da eta hurrengo goizean hegoalderantz bidea jarraitu du, Gasteizetik oso hurbil dagoen Ullibarri-Ganboako urtegira heldu arte. Urtegi hau toki oso egokia da arrantzan egiteko eta indarberritzeko. Arabako hezegune handiena da Ullibarrikoa, urte osoan zehar eta migrazioan dauden hegaztientzako leku oso aproposa.

 Ullibarri-Ganboa. Egilea: Shaury Nash.

Lehenengo etapa besterik ez da izan gaurkoa, oraindik bidaia luzea du aurretik.