Urdaibai, lekuparegabea Jano eta beste bi arrano arrantzaleentzat

Jano (U28), etxean sentitzen da Urdaibain!

Arrano arrantzale ar gazte hori, Landa (T06) eta Txurikoren (P1) txitetariko bat da. Lehen aldiz 2023.08.1an ikusia izan da Urdaibain.

Janoren presentzia Urdaibaiko itsasadarrean etengabea dela dirudi ordutik. Ikusi zutenetik, jarraipena egin zaio, eta argi dago ondo arrantzatzeko gai dela, arraina jaten ikusi baitute. Oso seinale ona da hori, indartsu eta ondo elikatuta egoteak migraziotik bizirik irauten lagunduko baitio.

U28 hazten eta garatzen ikustea Urdaibaiko arrano arrantzalea berreskuratzeko proiektuarekin lortzen ari diren emaitza positibo guztien adibide da. Kantauriko kostaldean arrano arrantzalearen 6 txita jaio dira aurten, ekimen honen zuzeneko emaitza gisa. (U26, U27 eta U28 txitak Santanderreko Badian eta beste hiru Oryxeko Maraisen - YAI,YBI eta YCI )

Eraztunketa U26,U27,U28 Bahia de Santander 2023

Espero dugu aurrerantzean penintsulako iparraldean espeziea gehiago hedatzen ikustea, eta agian, etorkizun hurbil batean, bigarren bikote ugaltzaile bat Urdaibain!

Halaber, garrantzitsua da aipatzea Janok ez ezik, Urdaibain atseden hartzeko eta arrantza egiteko leku egokia aurkitu duela beste arrano arrantzale batzuk, izan ere, Janoz gain, beste bi arrano arrantzale gazte ere ikusiak izan dira Orueta/Ozollo aintziretan. Arrano horiek ez daukate eraztunik, beraz, ez dakigu nongoak diren. Elikagai-iturri oparoak eta hezegunearen lasaitasunak leku bikaina eskaini diete hegazti gazte horiei arrantzan ikas dezaten. Egunotan zentrora hurbildu diren bisitariak eszena harrigarri batzuen lekuko izan dira.

Arrain bat harrapatzea oso zaila da, baina hegazti gazte hauek ez dute inoiz amore ematen. Behin eta berriz murgiltzen dira, eta behin eta berriz saiatzen dira beren helburua lortzeko.

Harrapakin iheskorra harrapatzen dutenean ere, hari eustea erronka handia da!

Gure boluntarioak oso adi egon dira kamerarekin eta horiei esker irudi ederrak eskain diezazkizuekegu.

Hiru arrano arrantzale gazte horiek Urdaibain ikustea benetako pribilegioa da, eta onena opa diegu udazkeneko bidaietan.