Sorpresa itzela! Arrezifeetako lertxuntxoa. Gautegiz Arteagako paduretan inoiz ikusi ez den espeziea!

Urdaibai Bird Centerreko behatokian zirrara izan da nagusi gaur goizean. Sergik eta Belenek, belatz-begiak dituzten gure boluntarioek, hegazti ezohiko bat ikusi dute paduran.

Lertxunen artean hegazti arraro bat ikusi dute. Bere koloreek lertxun hauskara baten antza zuten, baina bere tamainak lertxuntxo batena. Bird Centerreko teleskopio guztiak hegazti misteriotsuarengana bideratu dira.

Azkenean, Sergi eta Belenek arrezifeetako lertxuntxo (Egretta gularis) gisa identifikatu dute, Gautegiz-Arteagako paduretan inoiz ikusi ez den espezie bat.

Arrezifeetako lertxuntxoa Europako hegoaldean, Afrikako mendebalde tropikalean eta Asiako zati batzuetan bizi da nagusiki. Kostaldeko hezeguneak edo mangladietan bizi dira, eta zuhaitzetan edo zuhaixketan egiten dute habia. Sarritan ikus daitezke beste espezie batzuen artean, Urdaibain ikusi dugun bezala.

Hegazti dotore honek sakonera txikiko uretan itxaroten dio bere harrapakinari, sarritan korrika edo hankekin ura astinduz edo hegalak mugituz harrapakinari traba egiteko. Gelditu ere egiten da, eta zain egoten da bere harrapakinari segada egiteko. Espezie hau arrain, krustazeo eta moluskuez elikatzen da.

Hegazti zoragarri hau gaur goizean Urdaibaiko paduretan ikustea benetan harrigarria izan da, eta agerian uzten du hezeguneen kontserbazioaren garrantzia. Kontserbazio-lan hori ezinezkoa izango litzateke gainera, Sergi eta Belen bezalako boluntarioen ardurarik gabe egin, haien naturarekiko grina gure bisitari guztiei transmititzen baitzaie. Benetako lan Itzela!

Bisita gaitzazu! Teleskopioak prest daude eta ezusteko zoragarriak ikus ditzakezu!