Poztu zure etxea Gabon hauetan! Eman izena 2021-2022 Inguruko hegaztiak ekimenean eta gozatu gure inguruko hegazti txikiekin.
Asteartea, 2021(e)ko abendua(r)en 21-(e)an 12:03etan |
Negua iristearekin batera, aurten ere Urdaibai Bird Centerretik “inguruko hegaztiak” ekimena martxan jarriko dugu. Europako iparraldean oso errotuta dagoen proiektua da, non urtero milaka familiak parte hartzen duten inguruan duten naturaz gozatuz. "Inguruko hegaztiak" ekimenarekin gure lorategietatik gertu dauden basa-hegaztiak ezagutu ahal izango dituzu. Egiteko oso erraza da, eta zure etxe ingurua hegazti txikien presentziarekin alaituko duen ekimena izango da. Gailu erraz batzuk jarriz (neguko janlekuak), neguan hegaztiak erakartzea lortuko duzu, eta gure ingurune hurbilean elikatzea ahalbidetuko duzu. Egun gutxiren buruan, gure lorategietan hegazti txikien presentzia handiko dinamika sortzea lortuko duzu. Hegazti horiek nahikoa elikagai izaten dute udaberrian eta udan, nahiago izaten baitute inguruan arazorik gabe aurkitzen dituzten intsektu eta fruituez elikatzea. Hala ere, neguaren hasieran, hegazti txikiak guk jarritako janlekuetara joango dira, neguaren gogortasunari aurre egiteko. Aurten planteatzen dugun proiektua urtero bezala irekitzen zaie parte hartu nahi duten ikastetxeei, bai eta banaka parte hartu nahi duten familia edo pertsonei ere. Residencia de mayores Arrotegi (Busturia) participando en "Inguruko hegaztiak" Aurten ere proiektuari buruzko atal bat jarriko da martxan gure webgunean; http://www.birdcenter.org/es/educacion/inguruko-hegaztiak Bertan, parte-hartzaileek proiektuari buruzko informazio guztia aurkituko duzue, baita izena nola eman ere, eta Facebook kontu bat ere, janlekuetara hurbiltzen doazen hegaztien ikuspenak, argazkiak eta bideoak erakusteko. https://www.facebook.com/groups/2092153820845878 / Proiektuan izena eman ondoren parte hartzeko, honako hauek beharko dituzu: Gune fisiko bat izatea, ahal dela berdegune batetik gertu, janlekuak balkoi edo terraza batean ere jar daitezke. Hegaztientzako janlekuak ipintzea eta janariz hornitzea, hala nola pipak, kakahueteak, koipe-bolak, etab. Urdaibai Bird Centerren dendan erosi ahal izango dituzu produktu horiek, eta, horrez gain, bi salmenta-gune ditugu inguruan: Gernikako San Isidro kooperatiba eta Murueta lorategia. Animatu mundu zoragarri honetaz gozatzera! |