180.000 bisita birtualek berrirekitze berriari eman diote txanda
Asteartea, 2020(e)ko ekaina(r)en 09-(e)an 14:01etan |
Konfinamenduan zehar 180.000 bisitaritik gora izan dira Urdaibaiko paduren zuzeneko emanaldiekin bat egin dutenak. Martxoaren erdialdetik hasita, ia atsedenik gabe egin dugun lana gogorra izan da, hala eta guztiz ere, saria ere handia izan da, Urdaibaiko Biosfera Erreserba erakutsiz hainbeste etxetara iritsi izana. Katalunia, Madril eta Bilbo Handia izan dira jarraitzaile fidelenak. Gainera fase berriarekin batera, zentroa berriro irekiko da. Ekainaren 13an, larunbatean irekiko da zentroa eta, segurtasun neurri eta protokolo guztiak barne hartuta. Alde batetik, zentroaren dimentsio handiekin segurtasun-distantzien mantentzea bermatuko da; horrez gain, edukiera-mugak, higiene-neurriak eta maskararen nahitaezko erabilera ziurtatuko da. Berrikuntza gisa, Urdaibaiko Erreserbak dituen zenbait mirari naturalen erakusketa harrigarri bat estreinatuko dugu. Hegaztiak ez ezik, erreserbak eskaintzen duen biodibertsitatearen adibide paregabeak. Naturarekin konektatzeko unea iritsi da eta horretarako Urdaibai Bird Centerra primerako aukera duzue. Saharaz hegoaldeko Afrikatik datozen mokozabalak, elkar gorteiatzen dabiltzan arrano arrantzaleak, paduran ugaltzen ari diren zankaluze dotoreak eta egunero inguruan dabilen azeri bat izango dira zuzenean ikusi ahal izango dituzuen protagonistetako batzuk. |