Pasa den astean, Urdaibai Bird Center-ean, hegaztien mudaren bidez euren adina identifikatzeko ikastaro aurreratua burutu da

Azaroaren 10etik 14ra, Urdaibai Bird Center-ean hegaztien mudaren bidez horien adina identifikatzeko ikastaro aurreratua burutu izan da. Kurtso hau Aranzadi Zientzia Elkarteak prestatutakoa eta eraztuntzaile, etorkizuneko eraztuntzaile eta gai honetan interesatuta daudenei zuzendutakoa izan da.

Ikastaro honen bitartez, hegaztien adina nola determina daitekeen irakatsi nahi izan da, beti ere eurek burutzen duten lumaiaren mudan oinarrituz. Horretarako, Aranzadiko esperientziadun kideek hegazti talde desberdinek burutzen dituzten muda mota desberdinak azaldu dituzte.

Esan beharra dago, ikastarora hegaztien eraztunketan interesa duen jendea etorri dela, zeintzuk Iberiar penintsulako hainbat lekutatik etorri izan diren. Azken finean, eraztunketatan hartzen diren datu guztietako bat hegaztien adina da eta hura identifikatzen jakitea oso garrantzitsua da.