Oruetako hezegunea pil-pilean

Azken aste honetan Oruetako hezegunea hegaztiz beteta dago.

Azkenaldi honetako euri eskasiagatik eta izan diren marea hilen eraginagatik hezeguneko ur maila nabarmen jaitsi da. Hainbat eta hainbat hegazti espezierentzat elikatzeko toki paregabea suertatu da.

Habiatik irten berri iren zikoinak janari bila

Lertxun hauskara aingirak zelatatuz

Ur geruza xume horrek limikoloen bezalako familia bati (migrazioan ikus ditzakegu jada) janaria erraz aurkitzea eragiten die eta lokatzetan mokoa sartuz elikagai asko eta asko harrapatzeko gai dira. Ardeidentzat eta zikoinentzat horrenbeste gustatzen zaizkien aingirak harrapatzea askoz errazagoa da ur gutxi dagoen tokietan. Eta, nola ez, Anatidak uretako landarediaz elikatzen.

Kopetazuriak landaredia akuatikoaz elikatzen

Txenada mokobeltza azaleratutako irlatxoan

"Jaun Zuria" Orueta inguruan

Arrano arratzalea ere inguruan ikus daiteke ur baltsetan dauden lazunak harrapatzen.

Urte sasoi honetan ikustea merezi duen espektakulu atsegina eskaintzen du Urdaibai Bird Center aurrean kokatzen den Oruetako hezeguneak.

Zentroa bisitatuta zein etxetik zuzenean ikusita aukera paregabea daukazue naturaz gozatzeko.