Uzelai zikoina berriz bueltatu da Urdaibaira
Igandea, 2015(e)ko urtarrila(r)en 11-(e)an 09:18etan |
Azken egunotan, Urdaibaiko paduretan, Uzelai zikoina behatu dezakegu. Zikoina ar hori espeziea Urdaibain birsartzeko proiektutik ekarritako indibiduo bat da. Mende bat baino gehiago da Urdaibain zikoinek habiarik egiten ez dutela. Hori dela eta, Kataluniatik zenbait indibiduo ekarri ziren, zikoina talde hartatik Uzelaik bakarrik kumatu zuen Urdaibain. Zikoinari izena Busturiako eskolako ikasleek ezarri zioten, Jose Maria Uzelay (Bermeo 1903 - Busturia, 1979)margolariaren omenez. Egun, Busturiko ikastetxearen izena ere bada. Uzelai zikoina HH8X eraztunduna aingira bat jaten. Zikoinen azterketa biologikorako eta horien mugimenduak kontrolatzeko ezinbestekoa da eraztunketan egiten den lana. Hori dela eta UBCeko talde teknikoa, Bizkaiko Foru Aldundiaren baimenarekin, zikoinen habietara sartzen da eta bertan aurkitzen diren kumeei eraztunak jartzen dizkiete. Urtero egiten den lan horrek lagundu egiten du kumeak independizatzen direnean identifikatzen. Horrela, Uzelai identifikatu izan ahal dugu PVCko eraztun zuria eta HH8X hizki eta zenbakiarekin. Urdaibai Biosfera Erreserban zikoinaren birsartze programa nola egin den eta zer emaitza lortu diren kontsultatu nahi izanez gero A.Galarzak eta I.Garcíak egindako lana "Restocking White stork Ciconia ciconia population in Biscay: reintroduction in the Urdaibai Biosphere Reserve" 2012.urtean argitaratutako Aranzadi Zientzia Elkartea Munibe aldizkarian ikus daiteke. |