"Inguruko hegaztiak" 2014-2015 proiektua hastear dago.
Asteazkena, 2014(e)ko abendua(r)en 03-(e)an 15:13etan |
Esku artean dugun hau, Europa iparraldean eta bereziki Bretaina Handian oso erroturik dagoen proiektu bat da, non iazko urtean 600.000 familiak parte hartu baitzuten "Garden Birdwatch" izeneko proiektuan. Hegazti horiek, janari nahikoa izaten dute udaberri eta uda aldean eta beraz, ez dute beste elikagaien ekarpenik behar intsektuak eta fruituak erraz aurkitzen dituztelako. Aldiz negua heltzearekin batera, janariaren eskuragarritasuna murriztuz doa apurka apurka tenperaturaren jaitsieraren ondorioz eta hegaztiok guk jarritako janlekuetara erraz hurbiltzen dira beharrezkoak dituzten karbohidrato eta gantz ekarpenen bila. Aurtengorako planteatzen dugun proiektua Urdaibaiko eskola guztietara eta parte hartu nahi dute partikular guztietara zabaldu nahi da. Eskandinaviatik datozen txonta txikiak, edota Herrialde Baltikoetatik iritsi berri diren tarin eta txantxangorriak gure lorategietan daude...Heldu da momentua prismatikoak eta kamerak atera eta begi bistan daukagun naturako espektakuluarekin gozatzeko... Proiektuan izen emateko epea abenduaren 31an amaitzen da. Proiektua amaitzerakoan (2014ko martxoa) partehartzaile bakoitzari bildutako datu guztiekin egindako txosten bat helaraziko zaio, proiektuan zehar lursaileko edo lorategiko janlekuak bisitatu dituzten hegazti espezie guztien urtaroko eboluzioa ezagutu dezagun. Proiektu honetan parte hartzeko jarraian aipatuko diren elementuak eduki behar dira: 1.- Berdea den espazio minimo bat edo eta inguruan zuhaitzen bat izatea. 2.- Hegaztientzat elikagai diren elementuren bat izatea (janlekuak; alpistea eta kakahueteak esaterako) beti elikagaiz hornituta egon behar direlarik. Material horiek zuk zeuk eraiki ditzakezu edo zentroan bertan erosi. Proiektuan parte hartzeko posta elektroniko honetara idatzi behar duzue: Helbide elektroniko honek spam bot-en kontrako babesa du. Ikusteko Javascript-a aktibatu behar duzu bertan, proiektuan parte hartu nahi duzuela zehaztuz. Behin mezu hori jasota, parte hartzeko beharrezko informazioa bidaliko zaizue. Animatu zaitezte parte hartzera! |