Urdaibai Biosfera Erreserba etxetik “zuzenean”.

Goizean goiz esnatu eta Urdaibaiko paduren egunsentiaz zuzenean gozatzea teknologia berriek soilik eskaintzen diguten aukera da. La Caixaren laguntzari esker, Urdaibai Bird Center-en instalatu berri dugun kamerak eguneko 24 ordutan zentroaren aurrean kokatzen den hezeguneko (Orueta) zuzeneko irudiak eskaintzen ditu. Toki dinamiko baten aurrean gaudenez hainbat eta hainbat hegazti desberdin ikus ditzakegu etxetik mugitu gabe eta "click" bat eginez, esaterako: arrano arrantzaleen murgilketak arrainak arrantzatzeko, Europa iparraldetik datozen hegaberen iritsiera, ehun espezie baino gehiagoren joan-etorriak ... Bestalde, goizean goiz, nahiko ohikoa da basurde, azeri edo azkonarren bat edo beste urmaelera hurbiltzen ikustea.

Haizeteak, ekaitzak edo itsasgorak Biosfera Erreserbaren naturarekin batera nagusi izango dira hasi berri den zuzeneko grabazio horretan.

Guzti hori jarraitu nahi izanez gero kontsultatu gure web orrialdean: http://www.birdcenter.org/