Urdaibai Bird Centerrek hilabete honetan zehar arrano arrantzaleari buruzko bisitak egiten ari da ikasleentzat.

Bizkaiko puntu desberdinetako eskolak Urdaibai Bird Centerrera hurbiltzen hari dira hilabete honetan zehar arrano arrantzalearen inguruan bisitaldi tematikoa burutzen.

Guztira 930 ikasle inguruk parte hartuko dute 17 ikastetxetan bananduta, guzti hau Eusko Jaurlaritzak kudeatuta. Arrano arrantzalearen inguruan unitate didaktiko bat garatzea da xedea eta honen bidez hegaztien migrazioa, espezie desberdinak ezagutzea, elikadura, habitata...bezalako gaiak jorratzen dira. Urdaibai Bird Centerrera egindako bisitan beste hainbat espezieren irudiak eta bideoak ikusiko dituzte eta aukera badago arrano arrantzalea ikusi ahalko dute bertatik bertara.