"Bizi Natura"k estreinaldi bikaina Urdaibai Bird Centerretik: 240.000 lagunek egin zuten bat ETBrekin eta gaueko liderra izan zen

% 19,2ko audientzia zatia lortu zuen. BBCren egokitzapen da eta Urdaibaiko bizitza basatia denbora errealean erakutsiko digu hiru astez: astelehenetik ostiralera ETB1en (13:30) eta ETB2n (19:30) Xabier Sukia eta Africa Baetarekin; eta egunero zuzeneko irudiak ETB ON plataforman.

Audientzia datu bikainak lortu ditu igande honetan Euskal Telebistak, beren ordu tarteetan lider izan baita "Bizi Natura" saioaren estreinaldi handia. Izan ere, telebistako esperientzia ikusgarri honen euskarazko eta gaztelaniazko aldibereko estreinaldiak % 19,2ko audientzia zatia lortu zuen (euskaldunen artean % 23,2koa). 240.000 ikus-entzulek baino gehiagok egin zuten bat ETBrekin "Bizi Natura" jarraitzeko, BBCren Springwatch formatu ospetsuaren lehen egokitzapena Erresuma Batutik kanpo.

Urdaibairen bihotzera bidaia ikusgarria proposatzen digu "Bizi Natura"k, dibulgazioa, emozioa eta sekulako baliabide teknikoak uztartuz: 18 kamera; 18 begirada gure naturara, basabizitzak aurrera egiten duenean zer gertatzen den zuzenean deskubritzeko.