"Urdaibai" Oilagorra
“Urdaibai” oilagorraren jarraipen proiektua PTT emisoreen bitartez.
“Urdaibai” ren jarraipena.
“Urdaibai”Gautegiz Arteagan hartutako oilagor bat da (Scolopax rusticola), 2013ko otsailaren 18an Aranzadi oilagorrarekin batera. Oilagor heldu honek PTT jarraipenerako gailu bat darama, eta honen bitartez Urdaibaiko Biosfera Erreserban egiten dituen mugimenduak bi orduro jasoko dira. Honez gain, bere umatze-gunerako migrazio-bidean egindako mugimenduak ere helduko zaizkigu. Harrapaketa unean hegaztia oso egoera fisiko onean zegoen eta 300 gramo pisatu zituen.
APIRILAREN 1a: GAUTEGIZ ARTEAGA
Hilabete osoan zehar artadietatik eta larre guneetatik seinaleak jaso ondoren, “Urdaibai”-k seinaleak bidaltzeari utzi zion apirilaren 1ean. Bere azken kokapena Gautegiz Arteagako Atxarre izeneko artadi kantauriar zabaleko puntu batetatik bidali zuen.
Transmisioa galdutako erreserbako artadi guneak
OTSAILAREN 18a: HARRAPAKETA-EGUNA. GAUTEGIZ ARTEAGA
Transmisore bidezko jarraipena egiteko helburuarekin egindako harrapaketak, Gautegiz Arteaga udalerriko larreetan egin ziren, 2013ko otsailaren 18an. Atlantiar landazabaleko zonalde bat hautatu zen, Urdaibaiko ehiza erreserbaren barruan; ehizatzea guztiz debekatuta dagoen inguruan. Horrez gain, eguna hautatzeko orduan oilagorraren ehiza-garaia amaituta zegoela kontuan hartu zen; batez ere, behin transmisorea jarrita ehizatua izateko aukerak murrizteko. Horrela umatze-guneetarako bueltako bidaia ahal den neurrian ziurtatuz.
Markaketarako hautatutako larreak |