Saharako basamortu eskerga gurutzatu ostean, momentu honetan Urdaibaiko arranoak Afrika Mendebaldeko lurretatik zehar dabiltza, kontinenteko ibairik garrantzitsuenetarikoen artean hegaz.
Afrikatik zehar bide antzerakoak burutu ostean, gaur egun arranoek ibilbide oso desberdinak hartu dituzte eta Senegal eta Maliko lurretan banatu dira.
Beraz, gure lagunak desertu eta leku idorrak zeharkatu eta hegaldatu ostean, inguru hezeagoetara eta landaredia gehiago dutenetara heldu dira. Gainera inguru horietan urteko garai honetan, euriteen sasoian aurkitzen dira eta ondorioz ibaien ur-emaria handia da; hori dela eta, ez dute arazorik izango beraien elikagai diren arrainak harrapatzeko orduan.
Mangladiak eta hegaztiak Sine-Saloum-en, Lodj (Senegal)-etik hurbil - Egilea Ji-Elle
Bidaia interesgarri eta harrigarri hau zehaztasun gehiagoz jarraitzeko gure web orrialdeko “JARRAIPEN TEKNOLOGIAK” ataleko “ARRANO ARRANTZALEAK” azpiatala klikatu edo hurrengo linkaren bidez jarraitu,
http://www.birdcenter.org/eu/proiektuak/proyectos-de-seguimiento-mediante-nuevas-tecnologias/237
eta horrela gure arrano arrantzaleek Mendebaldeko Afrikan zeharreko bidaian izango dituzten gora beheren berri izango duzu.
Zorte on! |