Muxikako Urretxindorra eskola “Hegazti eskola” proiektuari buruz aritu da Urdaibai Bird Centerretik, Bizkaia Irratiko “Lau Haizetara” saioan.

Urretxindorra eskolako ikasleak protagonista izan dira Urdaibai Bird Centerrek astelehenero Bizkaia Irratiko "Lau Haizetara" saioan egiten duen kolaborazioan.

Eskola hau 2008. urtetik dabil Hegazti Eskola proiektuan buru belarri lanean. Proiektu oso berritzailea da, non hegaztien behaketa, beraien ezaugarriak eta migrazioak hezkuntza tresna gisa erabiltzen diren. Urtean zehar, arrano arrantzalea, urretxindorra edo tarinaren gisako hegaztiak erabiltzen dituzte eskolako ikasgaiak lantzeko.

Geografia, inguru naturala, hizkuntzak, informatika eta matematikak dira esaterako, hegazti horiek erabiliz lantzen diren ikasgaietariko batzuk.

Elkarrizketa osoa entzuteko sartu hurrengo bideoan.