Basoen kontserbazio eta berreskurapenari buruzko hitzaldia Urdaibai Bird Centerren: “Gure basoak, gure etorkizuna” Lurgaia Fundazioa.
Asteartea, 2017(e)ko abendua(r)en 19-(e)an 09:46etan |
- URDAIBAI RESERVE- Proiektu hau "Quercus" proiektuaren baitan lantzen dute, eta berau da fundazioaren lehentasunik handienetarikoa. Gaur egun Lurgaiak 155 lursailetik gora kudeatzen ditu lurren zaintza akordio bitartez (erabilera zesio, edota salerosketa). Lur guzti horiek 250hektarea osotzen dituzte guztira eta euretariko gehienak Urdaibaiko Biosfera Erreserban kokatzen dira. Orain arte, 30 espezietako 100.000 bertoko zuhaitz eta zuhaiskatik gora landatu dira, hein handi batetan boluntarioen laguntzarekin. Lurgaia Fundazioko kidea den Javier Franco San Sebastianek emango duen hitzaldian, lursail berriak erosteko eta batez ere, Undabasoko (Muxika) lurren erosketarako aurkeztu duten ekimenari buruz hitz egingo da. Horretarako abenduaren 31an bukatzen den "crowfunding" kanpaina bat jarri dute martxan. Javier San Sebastian doktoreak emango du hitzaldia, berau Euskal Herriko Unibertsitatetik doktorea da (1994), Lurgaia Fundazioko kide fundatzailea eta patronoa da eta LANIUS elkarte ornitologikoko kide fundatzailea. Horrekin batera AZTIko Itsas Ikerketan Buru da. |