Jende andana 2017ko mundu mailako hezeguneen egunean
Astelehena, 2017(e)ko otsaila(r)en 06-(e)an 11:11etan |
-URDAIBAI RESERVE- Atzo, hilaren 5a, igandea, Urdaibai Bird Centerren mundu mailako hezeguneen eguna ospatu zen. Nahiz eta eguraldi kaxkarra egin (haizetea, txingorra eta euria) hurbildu ziren bisitariek gozatu ederra hartu zuten hezeguneko hegaztiak toki eroso eta konfortagarritik behatzen. Hainbat familia eta bisita hurbildu ziren Urdaibai Bird Centerrera. Gautegiz-Arteaga hezeguneko protagonistak diren hegazti asko behatu ahal izan ziren. Hegaberak, ahate buztanluzeak, zertzetak, ipar-ahateak, mokozabalak eta zingira-mirotza izan ziren egun zoragarri horretako aktore nagusiak. |