San Blasetan zikoinak bueltan
| Asteazkena, 2017(e)ko otsaila(r)en 01-(e)an 08:34etan |
|
-URDAIBAI RESERVE- Azken egun hauetan, bueltan diren lehen zikoinak behatzen ari gara Bizkaian. Kasu gehienetan lehenak etortzen arrak izaten dira, zenbait egun edo aste beranduago emeak itzultzen direlarik. Euskal Herrian abuztuaren bukaeran zikoinek habiak alde batera uzten dituzte eta abenduaren azken egunetan edo urtarrilean bueltatzen dira. Hegaztien eraztunketa zientifikoa dela eta badakigu zenbait indibiduo Afrika subsahariarreraino joaten direla. Beste batzuk, aldiz, ez dira Gibraltargo estugunea gurutzatzera iristen. Argazkia Foruko habian (Urdaibai Biosfera Erreserban) aterata dago, indibiduo hori Uzelairen ordezkoa da, duela urtebete tiroz hil zuten indibiduoarena.
|
