Birdflyway proiektua Erresuma Batuko Rutland Birdfair azokan aurkeztu da

- URDAIBAI RESERVE - Pasa den abuztuaren 19 eta 21 bitartean, Erresuma Batuko Rutland erreserba naturalean Birdfair izeneko azoka ospatu zen natura turismoa bultzatzeko xedearekin. Aurtengo edizioan BirdFlyway proiektuak parte hartu du, azokan berezko postua eduki duelarik. Horretaz gain, abuztuaren 19an, Urdaibai Bird Centerreko teknikaria den Amaia Perezek "BirdFlyway, ornithological tourism along the migratory route of birds" hitzaldia eman zuen Anglian Water Birdwatching Centre izeneko gunean.

Azokak iraun bitartean, ehunka pertsonek BirdFlyway proiektuaren berri eduki dute eta milaka bisitarik marka eta produktua ezagutu ahal izan dituzte. Horrez gain, enpresa desberdinekin harremanetan jartzeko parada egon da, proiektuaren hazkuntza bultzatzeko aukera oso garrantzitsua izan dena. Natura turismoarekin loturiko ekimen hau Europako zenbait herrialdeetako hezeguneek osatzen duten hezegune-sarea bisitatzean datza, antzar hankagorrizta eta arrano arrantzalearen migrazio bideen zeharrekoa.

Birdfair azoka, natura turismoa bultzatzen duen azokarik garrantzitsuena da. 2016ko edizioan 80 herrialde desberdinetako 400 postu baino gehiago egon dira eta 35.000 bisitaritik gora bildu dira.